كلمات اغنية ذكرى المحبة سلطان الشراري

يا حبيبي كيف بنسى
للمحبه والعهود
حبّك اللي وسط قلبي
في غيابك لي يزود

يا مقيدني بحبك
كل خلق الله شهود
ارحم وارفق بحالي
متى بوصالك تجود

وكل يوم وكل ليلة
انتظر ليتك تعود
عايش بذكرى المحبه
والليالي والوعود

والله اني فيك هايم
ليت معك الوصل دايم
مايهم القلب لايم
كم تحملت الاذيه

الغلا هذا امانه
واشهد ان القلب صانه
ماعرف درب الخيانه
والدروب المُلتويه

الكلام اللي وصل لك
خلني منه وخلك
وارجع ونوّر محلك
طوّل غيابك عليا

اقرب وعطني يمينك
خلنا نغيض الحسود
وخلنا يا اغلا الحبايب
بالهوى نرقى سنود

والله ان حبي تعدى
معك يا زين الحدود
واعتلا فوق الثرياء
وبالحشا خلّد خلود

واحتري لحظة مجيك
يا مقيدني قيود
مثل ما البدو اتحرى
للسحايب والرعود

انت عمري وانت تدري
عن غلاك اللي بصدري
وكل ما اسأل قلت مدري
والغلا ماهو شويه

صوت قلبي لك ينادي
في حياتي ما انت عادي
انت بالدنيا مرادي
روحي لروحك خويه

لا تشمّت عاذلينا
كل ما رحنا وجينا
وانت سيد العارفينا
ما تفوتك هالقضيه

كلمات الشاعر عبدالله العشيشان
الحان واداء سلطان الشراري