كلمات اغنية هاتوا الفرح - منصور الوايلي

الليل دنا وهب الريح والعود مايل
اللي بعذق النخيل
معاد فينا على الاحزان حيل ومحايل
ولا نحط ونشيل

اللي عطينا كفايه من جميع الوسايل
والله ماحن سبيل
شفنا وعفنا من اللي مال واللي تمايل
بشاهدين ودليل

مزيفين المشاعر ينكرون الجمايل
ويقصرون الطويل
قلوبنا مقفله معاد ترسل رسايل
من سابع المستحيل

من راح خله يولي لا تطيح وتهايل
الخل غيره خليل
والبدر بدد ظلام الليل والجو هايل
نبغا صفوف تشيل

صفين ياهل الطرب والجود والشك زايل
خلو الكثير القليل
هاتوا الفرح والسعاده يوم الطرب والمثايل
في الشهر يومٍ وليل

والخيل من فوقها الفرسان سلم القبايل
اللي يشلوا الثقيل
ابشر بنا في نهارٍ فيه قدح الفتايل
بعد العزاوي صهيل

مركاضنا كايدٍ من فوق سرج الاصايل
مزبنين الدخيل
كسابه الجود والمعروف في كل طايل
يالله برد الجميل

وشرهتك لاتكبر الا في كبار الفعايل
والله عليهم وكيل
واهل المبادي العظيمه في عظيم الهوايل
توجهوا للرحيل

في عزلةٍ ماتشوف الا المطر والمخايل
يالله بليل ومخيل
والا ضعوف الروابع ضايعه في القوايل
والليل تاه الدليل

يابوالعبون الوسيعه والوجن والجدايل
لاتعشقين الهبيل

كلمات اغنية هاتوا الفرح