كلمات اغنية العيد هل - الوليد ال عامر

العيد هل الله يحييه ويعيده
وانا على شوفتك مانيب متصبر

شوفتك في العيد عند حبيبك عيده
قبل الفجر يقتِفيه النور ويكبر

قلباً تولع لو انه من طرف حيده
ماهوب من لوعة الأشواق بمشبر

دام النقى في الهواء عاشت تقاليد
ومايدسم الشارب الا ان كان متغبر

علّقني اللي يعلّق في طرف جيده
كل أكحلًا من غزير الزين متكبر

جفولًا يظن ضله ناوي يصيده
حتى النسانيس لامن هبت يدبر

الشمس غابت وجاني بالشفق فيده
والغيم في لبة المجمول متزبر

المح وهو يحسب ان مانيب ميده
وانا اعرف أحب لكن ماعرف أعبّر

عيدًا بلا وصل ماتروي قراهيده
نقصه مثل نقص من صلى ولاكبر

كلمات اغنية العيد هل

كلمات : عبدالله ال عصبان
آنتاج فني : هاي تون
هندسة ومكس : أسامة البارع