الضرب على العيون واجب
عصام صاصا الكروانطرح مطرب المهرجانات عصام صاصا أغنية جديدة بعنوان "الضرب على العيون واجب"، عبر قناته الرسمية على موقع يوتيوب الأغنية من كلمات مصطفى الجن، توزيع كيمو الديب.
وجاءت كلمات الأغنية كالتالي:
كلمات اغنية الضرب على العيون واجب - عصام صاصا
الضرب على العيون واجب
علشان بالحب مش عاجب
العين ما هتعلى ع الحاجب
لا فوقو حالكو
متشرفش أبقى خصمكو
دانا دوست عليكو كلكو
مطوتي سرحت في جسمكو
دانا عبيتهالكو
تعرفو تصرفو قبولو
يلا عايزكو تسندلو
راجل مش جدع اللي هينكش
ويجيب حد يحللو
واقف قدامكو بطولي
على سكة أنا نفسي تجولي
اومال فين الأبطال اللي على
الاستوريهات كرتولي
أنا عمري ما جبت مره خلف
دانا اموت بكرامتي وسط الف
وماليش في الكذب ولا الكارف
لأ اخوك يعجبك
أنا في التفخيد حاسب ماليش
يدوي وبسلاح معاك هعيش
يابني انت على الفاضي ومفيش
ايوه أنا بندبك
عمال بتجرري حصنة
و بيتضربو يا عمنا
اللي يجس بقوله أنا يس
بيجي قدامي يقطم هنا
قلبك مش ناوي يجيبك
متخفش دي علقه واسيبك
سهلة بسيطة الصدفة جميلة
متخفش شايلك أنا نصيبك
أنا صاحبي دراعي وقت ضيق
أجدع من الف ١٠٠ صديق
أصحابي دبحوني بالبطيء
لما احتاجتلهم
من يومها بقيت واخد قرار
مبقِتش برن مهما دار
هتعامل عادي مش حوار
دول الله يعينهم
كله بيكرف على جدع
مش شايف واحد جدع
دا في كام جثة كده معينه
ياخى دا الواحد فيهم اتخدع
وحياة عيشكو وملحكو
إنتو مناظر كلكو
قبل ما تسلكو ليا اسلكو
من جواكو بس لنفسكو
كلها بصراحة ع السليم
مظابيط لكن مع الحريم
ربنا ياعمهم يديم
بيننا إلاونطة
لبسوا سهرو واصرفوا
احجزوا ع البيست وإكرفوا
انصبوا على بعض كشفوا
يابا في الكام شنطة
جرا ايه ياناس ياكويسة
كده شغل عيال محدثة
كنتم زمان قبل أما تخيبوا
بيقولوا دي ناس متميزة
الفهمان مبقاش فاهم
وبيقلع نفسه ووهم
انه مفيش من أمه اتنين
وأخينا في الهلس بقا يساهم
الدنيا معاكِ حاجة تانية
قبلك مكنتش والله دنيا
عارفة أما تغيبي عني ثانية
أنا إيه بيحصلي
والله بقيتي أوكسچيني
كاملة الأوصاف وماليا عيني
أنا هنا علشانك آمَريني
منك ما هجلي
العشق إنتي يا حتي
بعشق أمك أموزتي
إنتي مكانك جوا القلب
ومن حقك تتستتي
شاوري وبالباقي ما عليكي
حالا يتجاب معاليكي
إنتي مراتي وكل حياتي
وبنتي اللي ماليش بعديكي
كلمات اغنية الضرب على العيون واجب
مهرجان : الضرب على العيون واجب
غناء : عصام صاصا الكروان
كلمات : مصطفي الجن