كلمات اغنية مشتاق أضمك - فارس مهدي

يا اللي حَمَار التوت في وجنتينك
وازها الكرز واحلاه من فمك مقطوف
ودي بشوفك والتمس راحتينك
مير الظروف القاسيه تبعد الشوف

مشتاق اضمك والتحف من حنينك
والقى الامان اللي ينجي من الخوف
لو كنت الي سجان وانا سجينك
سجين قلب وعقل واشواق وشفوف

ما ابغى الزعل موجود بيني وبينك
اظروف بك تحكم وتحكمني اظروف
حتى ولو ابعدت عن شوف عينك
تراي متعطش لشوفك وملهوف