كلمات اغنية حبيبي وابن حبيبي - محمود العسيلي
اللمة تخلي العيلة تملّي تقرّب مللي
كده مللي في مللّي
القلب يدق أكيد مع عيلتي
أنا بقى مستكفي بيهم متدفي بيهم متدفي
هما اللي حيلتي
كمل العدد خلاص يا قلبي
ما ألذ ناس في الدنيا جنبي
دي عيلتي ييجي ألف حد
والبيت بينوّر بجد
ده لأن في حبايبي
هنا حد ليك في قلبه مطرح
حد بيدعيلك دعوة تنجح
وحد يحلّي وقتي
باللمة دي يا بختي
وحد ليه دايمًا كده يقولي
يا عم انت حبيبي وابن حبيبي وابن حبيبي
وبقول للدنيا بحالها يا حلو إن انت قريبي
علشان انت حبيبي وابن حبيبي
نفسي العيلة تكبر وتكبر
ويا رب نزيد ونقرّب أكتر
وييجي هنا اللي واحشنا
ده البعاد أصله حايشنا
ييجي ونفضل نهزر
هنا حد معاه بنسى مشاكلي
وحد بنفسه بيحلى أكلي
حد بياخد عيدية
وفي حضنه الدنيا ديّه
أجري عليه وفي حضنه أنا بقوله
يا عم انت حبيبي وابن حبيبي وابن حبيبي
وبقول للدنيا بحالها يا حلو إن انت قريبي
علشان انت حبيبي وابن حبيبي