علشان خاطري
زياد الدساسكلمات اغنية علشان خاطري - زياد الدساس
اخرتها فضلت طول الليل بشوف صورهاهانت قلبي ازاي مع اني كنت اكتر انسان قدرها
لو خيروني بينها وبين الدنيا انا كنت اختارها
كنت مستعد اني اخسر اي حاجه غير اني اخسرها
سبقت وقتلت من حبي خلاص استكفت
مبقتش بدي لحد امان طول ما انا ماشي انا بتلفت
النغزة لسا في قلبي عمرها ما هديت ولا خفت
في البرد لوحدي بتكتك وقت ما هي في حضنه اتدفت
عشمتني وهي كسرتني و همشتني
مع ان انا الكومبارس هي بالبطوله وهمتني
قالتلي انها حبتني وهي من قلبها مشتني
القطه اللي انا كنت بأكلها لما كبرت خربشتني
قولولي مين حاسدني؟ ما انا لو غلطان هحاسبني
ما انا لو عشمان فده كان عشان كانت هي العين والنني
وازاي حبيتها اصلاً وانا اساساً مش حاببني
اخر كلمه قالتها فكك مني خلاص وياريت تسيبني
علشان خاطري متكسريش بخاطري
لو ناويه تمشي ياريت بلاش مع الاحزان تتكاتري
مبقتش قادر اعيش بجد غيابك قطم ضهري
فضلت سنين مستني وهو في الاخر داسني قطري
كل عمري عليكي ضاع هباءً
سيبنا بعض وكنت فاكرها خناقه زي اي خناقه
منكرش بحنلك احياناً
بس غلطتي في العنوان معندناش رجاله متساقه
لسا في نفس الحيره مدمن علاقات مستحيله
حبك مش حب ده كان عيره كرهك بالنسبالي جِميله
ولو عالغيره فانا في الف نيله ونيله
اشوفها معاه واقول الحمد لله كان بينا ايام جميله
يوم بعدي كان يوم عيدها معادش فيه رجوع مش هفيدها
دمعة عيني هي شافتها ومش هطفي النار هقيدها
حبيت ومشوفتش غيرها وبعدت ومكنتش ببعدها
لو هترجع حابه تطبطب انا بايديا هقطع ايدها
وانا، انا اللي جرحت في احساسها
كان قدامها زياد واختارت انها تعامل دساسها
وانا، انا مش عايز اسمع حاجه عنها
محدش خد مكانها بس متستاهلش مكانها
علشان خاطري متجبريش بخاطري
لو ناويه ترجعيلي بلاش عشان مبقتش طايقك
انا هعرف اعيش من غيرك بكرة هلاقي اللي تعوضني
لو قلبي لسا عايزك انا هدوسه ومش هرجعلك