كلمات اغنية الفرح فين سكته - عمر كمال
الفرح فين سكتوا
قولولي أروح له منين
واللي ابتلي في دنيتوا
هيلاقي راحة منين
دلوني يا اهل الهوا
ولو بكام الدوا
دا اللي نسي ضحكته
هايفتكرها منين
بطلع من حفره بقع تاني
وبنام وبقوم على احزاني
مكتوب لي اتجرح واتقطع
وماجيش ولا اقول حاجه وجعاني
الراحة عرفت حبايبها
وناس تعبها مشيبها
ده اللي صرفتوا على علاجي
لو جابوا مين ما هايحسبها
اطبا ياما شافوا جروحي
وكل يوم تطلع روحي
الآه بقولها بتوجعني
وتمللي زعلان على روحي
ييجوا يزوروني يبكوا عليا
وهما قاعدين حواليا
ويكلموني ومش قادر
ويادوب اشاور بأديا
القلب ع الحزن اتعود
وحياتي غمقة وبتسود
كل ما اقول هم وينزاح
من وجعي بصرخ واتلون
يا رب عني وقويني
انت اللي قادر تشفيني
من كتر ما انا صعبان ع الناس
الناس بتيجي تواسيني
اطبا ياما شافوا جروحي
وكل يوم تطلع روحي
الآه بقولها بتوجعني
وتمللي زعلان على روحي
ييجوا يزوروني يبكوا عليا
وهما قاعدين حواليا
ويكلموني ومش قادر
ويادوب اشاور بأديا
معلومات عن الاغنية
كلمات: رضا المصري
ألحان: فارس فهمي
توزيع: باسم منير