كلمات اغنية رماني بالهوى - ماجد خضير
يعيش الادمي في عيون الليل مسكين
ويلفت نظرة الليل يوم يشب ناره
تضيق صدورنا والهموم يسار ويمين
ولا نلقى السعه غير في كن الزقاره
بدى ليل المحبين من غير المحبين
عناه وهمّه وظلمته رهن الاشاره
تكبرنا هموم الظلام سنين وسنين
وتموت احلامنا قبل لايطلع نهاره
وقفنا عند باب الامل واحلامنا دين
ولا قدّم لنا غير ضحكة مستعاره
غلبت بعزمي الوقت وظروف الزمن لين
رماني بالهوى واعلن الوقت انتصاره
انا ماني زبون الخساره لكن الزين
ينسيني طرف مبسمه طعم الخساره
ملامح وجهه الفاتنه تحتاج عمرين
لها في قلبي اللي هزمه الشوق غاره
لاسولف والتفت كبّر احلام البسيطين
ولا منّه ضحك يشلع الليل وستاره
على طاريه حلو المنام يفارق العين
ويفز القلب فزت غريبٍ شاف داره
اسابق لهفةٍ حاربتها لوعة البين
واسلّي خاطرٍ ملّ من كثر انتظاره
واذا جيته وكلي حنين وشوق مبطين
يقلطني على قلّ هرجه واختصاره
يصافحني مصافح سفر مع تركي الفين
وانا ميت على شوفه اسوق البشاره
اعاتب حظي الزين والا حظي الشين
يا دعوه بالفرح ما تقفّتها استخاره
انا طالبك ماهي بلحية طرد مقفين
ترا ماعاد للقلب شيّ الا وقاره