كلمات اغنية تحت التهديد - شيرين اللجمي
تحت التهديد
نخطف في روحي من جروحي ونزيد
نخرّج في ضحكة نصوّرها بالإيد
هذا اللي يفيد
نفسّخ ونعاود ونصلّح الفيد
ماهوش جديد
هذا تخمامي روّضتوا كي الصيد
معاش يصيد!
وتو نتمرّد ونكسّر الحديد
عرفت وبجّلت آش ينقصني ويزيد
منهم الكل مستاء، انتي وبس استثناء
انتي اللي مانسيتك لا في صيف ولا شتاء
الغدرة صارت وباء
قلوبهم ميته سوداء، قاتلهم الغباء
إلا انتي انتي انتي
إنتي هديتك حقيقتي
انتي شرّكتك ضيقتي
انتي رابحها ثيقتي
انتي انتي انتي انتي
علاش علاش مش أنا وانتي
تجيني ونخبيك عندي
انتي انتي انتي انتي
نحارب وقلبي جندي
تلقاني في فرحك والصندي
انتي انتي انتي انتي
علاش علاش مش أنا ونتي
تجيني ونخبّيك عندي
انتي انتي انتي انتي
وقت التشديد
لا عاد سماح ولا هالطيبة تفيد
ولا عاد يصدمني الانتيم اللي يكيد
ذهبكم صديد
وجودك في حياتي ذكرى للتخليد
علاش التمديد؟
فرصة نفاق ترهدين وتنكيد
سمعت اقتنعت بتبسيط التّعقيد
عملت العيب املا ضم
نحكي وانتي تقول تم
حتى كان كلامي سم
خنت الماء هبّطهم دم
ما تبداشي فيا تغم
خسارة فات وقت الندم
بابا مات ضهري تقسم
لقيت ذراعي ما لقيتش عم
مش أنا اللي ننهزم
بنت رجال وراسي عالي
سومي غالي راحت بالي
راس مالي دعوة أمي
فيا تكالي ساتر حالي
ربي العالي مغرّقني في نِعم
نعم غيرك في قلبي
حبي عليه حرم
إنتي هديتك حقيقتي
انتي شرّكتك ضيقتي
انتي رابحها ثيقتي
انتي انتي انتي انتي
علاش علاش مش أنا وانتي
تجيني ونخبيك عندي
انتي انتي انتي انتي
نحارب وقلبي جندي
تلقاني في فرحك والصندي
انتي انتي انتي انتي
علاش علاش مش أنا ونتي
تجيني ونخبّيك عندي
انتي انتي انتي انتي
بالتّصنيف لا أبالي
نغنّي يسلطن موّالي
حاول تبّع منوالي
هذا track
soon التالي