أنا بين وبين
علي مغربيكلمات اغنية أنا بين وبين - علي مغربي
أوقات بشُفها مضلِّمةتكسرني أحداث مؤلمة
أزهد تماماً واسألك
يارب حُسن الخاتمة
أوقات تراضيني الحياة
تضحك لي من كل اتجاه
الدنيا أوقات مُبهجة
وساعات بتبقى صادمة
أنا بين وبين
حالة وَسَط بين البينين
أفرح لي حبة وبعدها
أزعل واكشّر حبتين
قلبي اتملا
مين في الحياة مش مُبتلى
ديماً بعيش الاتنين سوا
ببكي بعين واضحك بعين
أوقات تجي لي الطبطبة
من حيث ما لا أحتسب
وساعات دموعي مقربة
مخنوق ومعرفش السبب
ساعات أَلُوم حُكم الزمن
ع اللي حصل واللي انكتَب
فيبتسم لي بعدها
أضحك واقول يا لا العجب
أنا بين وبين
حالة وَسَط بين البينين
أفرح لي حبة وبعدها
أزعل واكشّر حبتين
قلبي اتملا
مين في الحياة مش مُبتلى
ديماً بعيش الاتنين سوا
ببكي بعين واضحك بعين