كلمات اغنية عيونه هتدمع - بوسي
عيونه عليّا هتدمّع
وباقي العمر هيفوته
قصاده الدنيا هتضلم ويتوجع
هيتذلّل عشان أرجع
وبعينيّا هشوف موته
هيتحايل ويتألّم ومش هرجع
هخليه يشحت الإحساس
ويستعطف قلوب الناس
هقابله يوماتي وهشرب له نفس الكاس
هيرجع يتحبس في مكان
ومش هيشوف في بكرة أمان
يعيش ندمان بقية عمره اللي جاي وخلاص
خسارة إديت له من حبي
حاجات أكتر ما يتمنّى
وهو استقوى واستغنى وأهملني
وأنا ورحمة جروح قلبي
لأخلّيه بكرة يستنّى
ويحلم يرجع الجنة ولا يطولني
هخليه يشحت الإحساس
ويستعطف قلوب الناس
هقابله يوماتي وهشرب له نفس الكاس
هيرجع يتحبس في مكان
ومش هيشوف في بكرة أمان
يعيش ندمان بقية عمره اللي جاي وخلاص