عالم موازي
عمر الكروانكلمات اغنية عالم موازي - عمر الكروان
بموت في السر ألف مرة بس عايشفي وسط ناس بتدي للي خان جوايز
عالم شيطانها هوه دايمًا اللي فايز فيهم ساء
العمر لحظة كله ماشي كله رايح
زي الدوا، ماهي الأيام مالهاش ملامح
كله بيتغير والنهاردة غير امبارح
واللي باع اتباع
الدنيا فيلم أكشن مش رومانسي
لو غبت يوم واحد هتبقى منسي
لو وقعت مش هتلاقي حد يشد إيديك
وهتفهم بالتجارب والممارسة
في خلق مستنيّة نص فرصة
والهزار هيقلب جد هيغدروا بيك
احنا جينا في زمن مالهوش كتالوج
هوه مين يؤتمن؟ والطريق معوج
كله بقى بتمن ماشي حسب الموج
واللي راح انتهى والدخول غير الخروج
هوه فين الوفي؟ أنا ما لقيتوش
فجأة كله اختفى كنوع مغشوش
لما النور انطفي، اتبدلت الوشوش
شوفت ياما في دنيتي غدر الناس
ما عشتهوش
اعمل حسابك إن أساس الحرب خدعة
والطيبة ماتت وانتهت ما بقتش نافعة
عالم مغيّب طول الوقت الشبكة واقعة
داين تُدان
فيلم الحياة مالهوش مونتاج ولا إعادة
واللي بيموت عليه بنشرب قهوة سادة
من غير مقاوحة
ازم ترضى علشان تتراضي
وكل شيء بأوان
الدنيا حلوة بس طلعت نكتة بايخة
فُقت من الصدمة بس دماغي لسه دايخة
مليت خلاص من كتر اللف على المشايخة
وحالي ده حالي
نفسي ألاقي حد يوفي بوعده ويصدق
الناس في الشر واخدة جايزة بأعلى نسبة
عالم موازي وكل يوم ماشيين بمبدأ
فين راحة البال؟
الدنيا فيلم أكشن مش رومانسي
لو غبت يوم واحد هتبقى منسي
لو وقعت مش هتلاقي حد يشد إيديك
وهتفهم بالتجارب والممارسة
في خلق مستنيّة نص فرصة
والهزار هيقلب جد هيغدروا بيك
احنا جينا في زمن مالهوش كتالوج
هوه مين يؤتمن؟ والطريق معوج
كله بقى بتمن ماشي حسب الموج
واللي راح انتهى والدخول غير الخروج