كلمات اغنية وردة - محمد رفاعي
حالك بكاني بحور يا لبنية
كنتي وردة ولـيـتـي شوك
لعـبو بيك قلال النية
انتِيا وفيتي وهوما غشوك
يا وردة قلبي عليك انتيا محروق
مسحي دموعك اللي هابطة
لا تبكيش هزي راسك لفوق
ماشي غير انتيا اللي غالطة
ومال سعدك يا بنية ما بان
شكون يحس ويبرّي الاحزان
وليتي قصة وحديث العديان
ما رحموك ولا حسنو العوان
كان طريقك واضح مرسوم
وجار عليك الزمان الغلاّب
حضّك ترضاي باللي مقسوم
تصبري وتقولي هذا مكتاب
يا بنتي عزاك في الدنيا
غير دموع الويل
مگواك تكرهي الدنيا بالسيف
آه را اللي عشـتيـه ما كانش قليل
مرار ليام خلات الجرح نزيف
ومال سعدك يا بنية ما بان
شكون يحس ويبرّي الاحزان
وليتي قصة وحديث العديان
ما رحموك ولا حسنو العوان