كلمات اغنية صب يا مطر حسن الأميري
ضاجت وياي الأغاني
ضاجت وياي الأغاني
طلعنا نص الليل نفتر بالشوارع
ردت أشوف أحد واسولف
متت من ضيجة البيت
دوّرت، دوّرت شباج واعي
واعي بهالمدينة وما لقيت
صب يا مطر
صب يا مطر
صب طيب جروح النهر
صب خلي قطراتك تظل
تتمرجح ﺑﻮﺭق الشجر
صب يا مطر يغدي بخيال الفلح
من صبك الف شكبان مملي من الثمر
صب، وانت حسك نغمة ترفه من الوتر
صب، فزز الوردة الغفت
حدر الصخر
صب، خلي تصبح شاعرية
وحلوة لحظات السمر
صب يا مطر
صب يا مطر
صب طين ﺇجدام الرجع
من ﺑگشة الماضي عبر
وإهديه شيء من التخيل والصور
صب، بلّل زلوف البنية
التلعب ﺇﺑﺮﺍگ النهر
يكسر الخاطر والقلب، حال الشجر
رد يا المسافر والأرض
تهواك محبوبة وتود
محبوبها يقبلها من بعد السفر
صب يا مطر
جدد الصورة إلبيها اشوفن ينعكس
بالهور تصوير القمر
صب يا مطر، كل زخّة منك تنحسب
شدة ورد ومضمّرة بورق الشجر
شيّب وياي السهر
والربيع مسودن
والربيع مسودن، يسودني
ويذكرني بعيني نهر
وين وين وين، وين أشوفك
خضرت بعيوني طوفة
حتى أشوفك
انْدعي، يخليني بعيونه المطر