كلمات اغنية رد الوداعه - علي بن محمد
اودعت قلبي في ايدينك وهالحينعساك ما تشكي علي من ضياعه
ليه الكلام يجيبك يسار ويمين
وأنا احسب ان عندك لمثله مناعه
ما كنت اصدق فيك حتى الصدوقين
وشلون عاد مروجين الاشاعة
ما كانت الهقوه تعرّضني البين
تترك هوى قلبك وتجفى متاعه
الله كم داريت ما بيننا البين
خوفي على مبنى يهيل ارتفاعه
اللي بنيته لك من سنين وسنين
ماهو بحق يروح في ظرف ساعة
اللي بنيته لك من سنين وسنين
ماهو بحق يروح في ظرف ساعة
اصبحت مثل مسدد الدين بالدين
ما عادي يملك غير صبره وباعه
يوم المحبة قسَّمتني لنصفين
ناويت أحدد موقفي عن قناعه
قناعتي هذه تخيّرك بأمرين
أما وصالٍ زين ولا قطاعه
قناعتي هذه تخيّرك بأمرين
أما وصالٍ زين ولا قطاعه
ان جازلك جعلت ترحب ملايين
وان ما حصل دوك الفضا واتساعه
قد قلتلك بتحبني حبني زين
ولا كثر خيرك ورد الوداعه
قد قلتلك بتحبني حبني زين
ولا كثر خيرك ورد الوداعه