من زمر شاف القحاطين زماره
جفران بن هضبان ومسعود بن شعفولكلمات اغنية من زمر شاف القحاطين زماره
من زمر شاف القحاطين زمارهومن هدر قدمك تبا تسمع ارغيه
فعلك مخّل القحاطين دجاره
عاد ربعك كلبوهم حماويه
المزاين ذالسنه وين شعاره
ودنا في ابداع وأفكار حصريه
راسي المنعور مجنونه افكاره
شرد وعسره ولاهيب عاديه
الوكاد الصيهد ان حظرو اكباره
سقت لي من ندر العوب منقيه
فالي ان جاء للتحدي شعم ناره
امدحه واللاش ماسمع دواديه
من ماعد الحق مانسمع اشواره
ولاينقص من مقام الكباريه
وانت وينك ياللي اتدور اثاره
لاتغيب ولك تصاريح ناريه
خل عنك الهرج لا تامن الغاره
وللتحدي خل روحك رياضيه
ابن جخدب منه الاخصام نفاره
حيه ويا حي فعله وطاريه
صيهد منيف ان حظر طير غباره
لاحضر فالجمل وان جاب فرديه
مايجيب الا النوادر من ابكاره
ندرن ماوردوها الشريطيه
فارقه بالزين من يومها حواره
ولاتوفيها الوصوف الخياليه
وصفها خلا التفاكير محتاره
ولو بوّصف يعتبر ربع فالميه
خصمها لاشافها لفق اعذاره
مايلام اليا تعذر عن الجيه
يابو فهاد اغلب الناس ثرثاره
وانت لك فعل وللافعال ماريه
من زمر شاف القحاطين زماره
ومن هدر قدمك تبا تسمع ارغيه
فعلك مخّل القحاطين دجاره
عاد ربعك كلبوهم حماويه
ودك ان صيهد منيف يغدي شعاره
صيهد ابن جخدب منجح الكيه
انت فعلك في يمينه وفي يساره
لين سبب عند الاخصام نفسيه
الخصم حتى لو ايمره ازياره
راحت اخلاقه لا مره تجاريه
المهم انغايب فدورو غاره
وحطمو كل الرقوم القياسيه
انتم اللي للنواميس سباره
وانتم الها يال جخدب شفاويه
مدحكم خل المساكين منهاره
مرجلتكم جابت الهم حساسيه