كلمات اغنية صحبه بمليون وش - احمد عامر
شوفتوا اللي كانو بيحلمو
ان يشوفوني يسلموا
كبروا وعليا اتنططوا
وبقوا يا ناس يتكلموا
آه يا صحبة بمليون وش
قاعدتكم نفاق على غش
اه يا صحبة بمليون وش
قاعدتكم نفاق على غش
لو لقمتكم هتزودني
انا مش هاكل معلش
بتحبو تبانوا جدعان
وانتوا بتاكلو في بعضكو
لو فيكو بجنيه سلكان
كنتو سلكتو لنفسكو
والعيش والملح بتنسوه
والشبعان فيكو جعان
خد ياللي مخدتش ايه
مشبعتش من أكل الحرام
عمال بتفتش تجري وتنتش
وسايق في العوجان
عمرك ماهتنضف مره
شكل ومنظر من بره
ليه عامل فيها بإن انت تقيل
وانت متوزنش جرام
كلها بتقول انا وانا
ويعيشوا دور الشبحنه
كلها بتقول انا وانا
ويعيشوا دور الشبحنه
عاملين رجاله ازاي وانتو
مخبطوش في الجدعنه
مشيتها معاكو اصول
بس انتو ماتعرفوهاش
بتبيعوا مابتسموش
وبتاخدو فلوسكم كاش
ازاي بس بتنسوا ماضيكو
احكيلكم ولا بلاش
كفتكم مش هتطب
لو حطتكوا على ميزان
كفتكم مش هتطب
لو حطتكوا على ميزان
عاوزينها ازاي بالحب
وانتوا المعيله ادمان
دوروا مصالحكم يلا
انا مش عارف ليكو مله
دوروا مصالحكم يلا
انا مش عارف ليكو مله
بصتكم ليا مهيش سالكه
ناس واطيه وعالم ضاله
دارت تخبيط كله عاوز سيط
حبة اسماء وهميه
تلقيح تجريح هلافيت بصحيح
عاوزين قنبله نوويه
كله بيلعب على كله
اشبال وعيال بيغلوا
معرفتنا خلاص انكو ابطال
وبتمشوا كمان عالميه
متربين عالعز
بنشم ايدينا بنشبع
جمايلنا كتير عالكل
فاتحين للجدعنه مصنع
ومحدش خيره علينا
طوب الارض مجاملينو
واللي يفكر يعادينا
ربنا على حاله يعينو
احنا بندلع براحتنا
وبنعمل اللي عاوزينه