كلمات اغنية ولا ياحمام - فلاح المسردي
ولا ياحمام فوق الاغصان جر النوح
ترفّق علي شوي لا تبحث الخافي
تهيضني بنوحك وانا ماعرفت ابوح
ياكود الدموع اللي من العين ذرافي
على صاحبٍ مامن ورا صدته مصلوح
يجافيني بصده وانا ماني بجافي
ويش اللي لقيته طالبك ياحمام الدوح
اهل العباير وانت فوق الغصن غافي
وجودي على اللي لا حكت حكيها مملوح
توايق على الخاطر بلا شرع واعرافي
عذابي وطبي بين ايادي عديل الروح
يداوي بطبه والحقه سمٍ ازعافي
عطيتك محبه ماهيب بفترةٍ وتروح
وعطيتك الامان اللي عليه الوفى ضافي
اجي لك وانا هايم وقلبي كلاه الفوح
وحالي بعد صدك كما عشب منلافي
تمادى بجرحه والخطا بيننا مدموح
وصدري مثل روضٍ سفا فوقه السافي
تناوشني برمحه وانا عقبها مطروح
فديته ويبقى صدري الحاظن الدافي
على السيح دايم ماسكن خطه المسموح
ولا ودي يفطن لي من الناس عرافي
تمر السنين وتلعب بقلبي المجروح
ولا غيره يداوي ولا غيره يشافي