كلمات اغنية ولا كل الرجالة أميرة الصباغ
فين هلاقي انا زيه حد
يملى عيني وطول بعرض
ده اللي زيه يا ناس يسد
عين الشمس ومالي مكانه
مش هلاقي انا زي طيبته
لا في مواقفه ولا في رجولته
حظي حلو عشان حبيبته
جايه الدنيا انا بس عشانه
راجل ولا كل الرجاله
ده فاهمني وعارف يسمعني
وبيعرف امتى يدلعني
ده حنين قد الحنيه
بيخاف من الدنيا دي عليا
وان طال زعلي فمرة شويه
يصالحني أوام ويرجَّعني
فين هلاقي انا حد تاني
وقت تعبي عايش عشاني
لما اخاف من الدنيا واهرب
جوه في حضنه انا بلقى مكاني
اللي زيه ماعدش منهم
ناس بجد تعيش ضامنهم
ناس بلاقي فقربي منهم
راحتي سعادتي وبلقى اماني
راجل ولا كل الرجاله
ده فاهمني وعارف يسمعني
وبيعرف امتى يدلعني
ده حنين قد الحنيه
بيخاف من الدنيا دي عليا
وان طال زعلي فمرة شويه
يصالحني أوام ويرجَّعني
كلمات أغنية ولا كل الرجالة أميرة الصباغ
كلمات: محب غبور
الحان: بلال محمد
توزيع: بيشو جميل