كلمات اغنية لهلا يوريك ابتسام تسكت

لهلا يوريك الزمان إلى دار وعطاك بالظهر
لهلا يوريك الى غدروك عز الناس
هذا حالي فيك يا دنيا منين نجيب الصبر
مخبي الكية فقليبي ونقول لاباس

واه واه واه
يا قلبي يا حمال القسوة
واه واه
وشحال قدك تكابر وتعافر
واه واه
وعلى امواج الدنيا محال تقوى
واه واه
الدنيا غدارة والزمان كافر واه واه

طاحت من عيني دمعة
طفات ضو الشمعة
تايه فدروب الدنيا وفينك يا خط الرجعة
وافينك يا خط الرجعة

لهلا يوريك الزمان إلى دار وعطاك بالظهر
لهلا يوريك الى غدروك عز الناس
لهلا يوريك الزمان إلى دار وعطاك بالظهر
لهلا يوريك الا غدروك عز الناس

لهلا يوريك اللي من دمك وتهون عليه
لهلا يوريك قلوب كحالت وتعمات
باعك بالباطل اللي كان عمرك وخسارة عليه
واش هاد الأيام العالي وشوف كي ولات

واه واه واه
يا قلبي يا حمال القسوة
واه واه
وشحال قدك تكابر
واه واه
وعلى امواج الدنيا محال تقوى
واه واه
الدنيا غدارة والزمان كافر واه واه

وطاحت من عيني دمعة
طفات ضو الشمعة
تايه فدروب الدنيا وفينك يا خط الرجعة
وافينك يا خط الرجعة

لهلا يوريك (جنيريك مسلسل خط الرجعة)
غناء : ابتسام تسكت
كلمات وألحان : يونس آدم
توزيع : حمزة الغازي