كلمات اغنية راح عني يوسف الشهري
الشتا ليله طويل وشقى قلبي طويل
كل ما زادو على النار زادو في شقاي
الهوى ما يبعد الهم لو انّه عليل
والمطر لو يقطع الدرب ما يقطع ظماي
كل ما يضحك لي البرق في عرض المخيل
ودي انّي ضايقٍ من خلاي وفي خلاي
البلا اني ضعت عن فيّة الرمش الظليل
والجفاء عجه بوجهي وشمسه في قفاي
والله انّه كان في موعده ماهو بخيل
حزن والا خوف والا مصيبه جاي جاي
يوم كنت اضحّك شفاه ودموعه تسيل
واستقامة عوده وميلته على هواي
راح عني كن مالي كثير ولا قليل
والحياه اللي من اوّل يقول انْها فداي
الجروح مبعثره والجفا حطاب ليل
لا طرا يزعل محبيني ويرضي عداي
السنين تمر وتروح لكن مستحيل
طعنةٍ فالصدر وشلون ابرميها وراي