كلمات اغنية يا لطيف الروح هادي بن جابر
يا لطيف الروح مجمول الوصايف
يا عميل الود والشوق المعنّي
أمس ليتك بالحشا مريت طايف
أو سألت نجومه اللي سامرني
تخبرك بجروح وهموم وحسايف
لي دعاهن داعي الشوق وضوني
وقلبن في خاطري ما كنت خايف
ود ربع في الحشا من صغر سني
خل راح ورحت عنه غير عايف
مهتويه وعارف انه مهتوني
كم تبادلنا عن الماضي طرايف
والسوالف صادقه منه ومني
والمزايح بيننا ترمي الكلايف
لين صرنا نعزف بود ونغني
ما تصورنا يجيب الوقت حايف
ما بغى غير الظليمه والتجني
يسرق البسمه من أطراف الشفايف
ويهدي الدمعه إذا ما الليل جني
حالنا حال الذي امسوا خطايف
ولا دروا وين السفاين يرسيني
عقب رغد العيش فِرقنا كتايف
والليالي بشينهن ما قصرني
وانت ودك يا شبيه الريم كايف
بس خوفي يختلف ظنك وظني
من غرام ما تركني وانت شايف
منجرف له صدق وأشواقي خذني
وابتليت بكبر همي والحسايف
والجروح اللي بذكره ينزفني