كلمات اغنية يا الفاتنة بحسنك فؤاد عبدالواحد

يالفاتنة بحسنِك إلى حد الذهول
وانعَم من الغيمة وحبات المطر
كيف أكتبك يا هند ولاّ ويش اقول
وإنتي الخيال وإسمِك إلحاله شِعر

إنتي الأنوثة الطاغية وإنتي الخجول
وإنتي الجمال اللي على هيئة بشر
وإنتي اللي نورِك من كثِر ما به قبول
كلما إبتسمتي يكتمل وجه القمر

جمالك الأخّاذ مو بس للعقول
ماجا في بال الدنيا مثله أو خَطَر
رسمة عيونِك ضحكتِك ذيك الخصول
زادت عجايبها وخَلّتها عشر

كنتي المُحال وكنت أنا حلم الوصول
تُم جابك الله كِنِّك لعمري عُمر
ربيع وجا يختال ما بين الفصول
يضحك في وجه أيامي يملاها سفَر

لِك حب وإن قلتي إحسبَه عرضٍ وطول
شوفي الفضا تدرين حبي وش كُبر
من كِثرك أحيان إتمَلّاني الفضول
في حَد في الدنيا يحب حَد هالكثر