كلمات اغنية سليل ال حطاب فلاح المسردي
سلام تقدير ومعزّه على الذيب
محمد ابن ناصر سليل آل حطاب
قرم الجمايل والكرم والمواجيب
اللي ينومس صيته اقراب واغراب
محمد ولد ناصر بلغ ذروة الطيب
بأفعال واقوال وتقاليد وانساب
حرٍ بعد تدريب هدّه وتجريب
أبوه فكّاك النشايب والانشاب
من طيب راسه فوق روس المراقيب
له ماكرٍ بالطيب والمرجله طاب
شجاع حين الحرب نار ولواهيب
تشتب ما يحسب لكثر العدا حساب
يحدها لعيون بيض الرعابيب
مثل الطرايد لا هوى يحدها عقاب
يحدها لعيون بيض الرعابيب
مثل الطرايد لا هوى يحدها عقاب
نمشي على الفزعات عجل المواثيب
يغنيك عن فزعات عكفان الاشناب
كريم من جوده قرايب واجانيب
اقراب من كل دارٍ تنصاه واجناب
لاهل المطالب مجلسه دوم ترحيب
على مدار الساعه مفتوح الابواب
مراجل وجود وشجاعه وتهذيب
وشيمه وفزعه فيه واخلاق وآداب
لا مالت الدنيا ودارت دواليب
الوقت فينا وكشر الشر الانياب
يامحمد الكعبي فيه هقواتنا تصيب
فيك الرجا اللي بغيرك يخيب ما خاب
عليك كلما تشرق الشمس وتغيب
سلام من ناصر بن قضيع ما غاب