كلمات اغنية لاعاد تبعد محسن ال مطارد
هز الخفوق لطاريٍ كل ما انعاد
شعور وأبلغ وصف له كلمة إيها
وغلا لشوقٍ له وصالٍ وميعاد
ما أثقل عقارب ساعتي لي مجيها
طيفه يكفي عن حضوره والأبعاد
تعطيني في مخيلتي صورَتْه فيها
واسمه ماهوب أيت إسم بالتفراد
المفردة يا حظها انه سميها
فيا قلب ياللي للغلا دوم منقاد
الله يلوم اللي يلومك عليها
غيبتك هي العله وهي سم الأكباد
والعافيه مني بترفع يديها
يا صاحبي لك في ضميري توقاد
نار الهوا لو أحرقتني أبيها
أيامنا من المستحيلات تينعاد
وصعبٍ على ذاكرتي ان تنتسيها
وغلاك جيشٍ وسط صدري له جهاد
ورايات حبك والله إن أحتميها
فإن طاحت فلا عاد ترجي لمعواد
شهيد ومات بحب من يهتويها
مشاعري لك كل يومٍ وهي جداد
وقلبي مادارى نفسه وهو محتضيها
حتى لو ان يقسى فماهوب بجماد
والله إن قلبي أرق من لمس اديها
ترى جروح القلب مابه لها ضماد
وأنا أدري إنك ما انت باللي يبيها
لا عاد تبعد شف ترى ان رحت تزداد
أقسى جروح اللي ما تظهر دِميها
لا قيل قصه وانتهت شفهم بعاد
حن ماخلقنا الا لجل نبتديها
لا قيل قصه وانتهت شفهم بعاد
حن ماخلقنا الا لجل نبتديها