كلمات اغنية حروف الغلا ثامر التركي
رغم الظروف ورغم قسوات الايام
ورغم الرجا والياس وحظي ونصيبي
ورغم الوجع والحزن وتحطيم الاحلام
تبقى حبيبي يا حبيبي حبيبي
وقّفت ضد الكون وفي صدري اسهام
كله لعيونك عني لا ماتغيبي
لو كنت أنا مُتعب وكل روحي ألام
قلبي ترى المُنهك بشوفك يطيبي
ورغم الظروف ورغم قسوات الأيام
تبقى حبيبي يا حبيبي حبيبي
يالك عشق في قلبي وكلي اهيام
حُبك ترى ضعفي وذا بس عيبي
حروف الغلا والشوق في قلبي ازحام
وتستاهله قلبي وحبي وطيبي
كل المشاعر ما تكفيها الاقلام
انت العمر وانت القمر والمغيبي
لا مني شفتك ما تحمّلني عظام
وانت الذي ترفٍ وجيدك رطيبي
ورغم الظروف ورغم قسوات الأيام
تبقى حبيبي يا حبيبي حبيبي
مال الفراق دربٍ علينا بنمّام
مهما حكوا فيك انت ومهما حِكِي بي
خل الهموم لصدري وانت ارتح ونام
وأبشر بي والله في كل شيٍ عصيبي
منهو طغى بحبك لا والله ما ينلام
انت الهوى وانت الدوى والطبيبي
شاطي الوله يهب على صدري أنسام
بحر الولع ولوعات موجٍ عجيبي
ورغم الظروف ورغم قسوات الأيام
تبقى حبيبي يا حبيبي حبيبي