كلمات اغنية غصب عني محمد صباحي
غصب عني تركتك ساعة الفرقا
أنا آسف رحلت بدون ما اسلم
تمنّيت الوداع يكون لك أرقى
ولكن ما قدرت اسمعك تتكلم
اخاف ان صوتك الباكي معي يبقى
وكلما اتذكّره أحزن واتألم
تواريت وعيون المبتلي غرقى
بديت اعدني للبعد واتولّم
يلازمني شتاتي واشعر بحرقه
واسلِّم راحتي للهم واستسلم
ومثلك وين أنا بلقى ولا بلقى
شبيهك في الملا والله لو أحلم
ابرحل وادري ان روحي ترى بتسقى
مرارة غيبتك ياربي بس اسلم
يكفّي ما أبي قلبك معي يشقى
احس ان الفراق احسن لنا واسلم