كلمات اغنية اخوك بعزو لا حريم تهزو احمد موزه
عالم مزيف ناس بتكرف
كلو في الشده اختفا
مفيش حبايب دول مقالب
البس وبالهنا والشفا
كلو استخبا ورا المحبه
وشوش اونطه مزيفه
عاملين شقايق بس انا فايق
مابحبش شغل السنجفه
ياعم هو اجدع مسا
على خلق كت متميزه
ولا نابني منهم غير ازا
دنا كنت عايش ارضيهم
بعد اما كنت بحبهم
الشده كشفت غلهم
دلوقتي بسمع اسمهم
بشتم وبنعل فيهم
اخوك بعزو لا حريم تهزو
ولا اي ماده بتشغلو
فلوس وبصرف بنات وبكرف
واللي في خيالي انا بعملو
فخور بنفسي عشان بنفسي
وبطولي في اللي وصلتو
دنا اللي اسمي لو سمعو خصمي
بيرعبو وبيحولو
يا خصمي فوّق وانتبه
انا لو ضربتك هتشبه
انت في رجولتك مشتبه
شكلك ميديش راجل
عمال ليه فيا تحكها
انا مش هنافسك يا ابنها
امثالك انا كارفلها
مش ناقصه شغل ارايل
عين شمس دولة ارض العتاوله
متجوش قصادنا وتحرقو
ده ماندو الاسود تاريخه يشهد
محبوب وكلو بيعشقو
وعمرو دبشه ايدو طرشه
حاطط على اللي يخصمو
رجوله نادره واسمو واجهه
ممنوع قصادو تبرطمو
الحبسه مره واخويا جوه
المرشدين دي حبستو
يارب هون دا كان حنين
قصر يارب في مدتو
وجعلي قلبي من يوم ما سابني
وحشني والله قعدتو
قطعت بيا يا نور عنيا
مشتاق لصوتو وضحكتو
المرشدين ولاد الحرام
بيسلمو اخواتي التمام
عصافير بتجري ع الحكام
قاعدين يسلمو فينا
رساله ليكو موجهه
استنو ع الرزق بقا
سيبو كل حاجه لوقتها
هتموتو تحت ايدينا
يا صحبي رزمن بلاش تلون
وكل يوم تظهر بوش
في وشي تضحك بس انا كاشحك
وعارف ان النيه غش
حاسس بغدرك بس سايبك
اصل انت برضو ماتتعاتبش
العيب عليا رجولتي ديا
بتروح لخلق متستاهلش
من كتر ما اتخميت اوي
خلوني انسان منطوي
مع نفسي قلبي بينكوي
وقصادكو جبل ثابت
بضحك قصادكو خفيف خفيف
علشان مبانش اني ضعيف
انا جوه مني واحد نظيف
بس الحياه بتتجاحد
ابويا قالي نصيحه يابني
اوعاك تعاشر غدارين
عشان هتخلص في حيط هتلبس
ويلبسوك في 100 كمين
لوحدك اشيك. فوق لنفسك
صحابك ايه دول كدابين
بلاش يغرك اللي جمبك
في الشده بص هتلقا مين