كلمات اغنية زيي زيك الجوكر
هي فترة وهنقضيها
الحزن ساعة قبل النوم وبنعديها
قبل ما نتعمق فيها
أصل الايام أسرع كتير من البديهة
والوقعات هدية مبحسبهاش أذية
الزمن يخبط فيا تلم دقايق من تحتيا
ما الإنسان نساي بطبعه
بالأخص لو على وضعه
والإحساس اللي انا حاسه
ده مش أول مرة أصارعه
سهلة بس إحنا للاسف مصعبينها
شفتنا مكلضمينها وإيدينا مربعينها
أحزاننا مطولينها مش متخطيينها
عشان مطبعينها إننا بنتداري منها
بقى أما صوت في راسي يقول شطبت
أرد عليه وأقوله لا قربت
يوم إتنين مش عارف كام بالظبط
بس الحلو جاي جاي زي القبض
صدقني زيي زيك
ساعات كتير ميبقاش في شئ في إيديا
فأحس كإن الدنيا بحالها جت عليا
تطلع اللي راحت بتفضي مكان للي جاية
صدقني زيي زيك
ساعات كتير ميبقاش في شئ في إيديا
فأحس كإن الدنيا بحالها جت عليا
تطلع اللي راحت بتفضي مكان للي جاية
مش عيب إني في فترة
ما أحسش براحة
أمسك ورقتي وأكتبها بصراحة
في ليلة وأرجع اسحبها صباحا
نفسي اللي يسمع يبطل نصاحة
مش دايما إبن الصدق الإتفاق
كله بيحكي زي ماشاف مش اللي كان
كان فرد إيدي دوا مكانش خير في سوا
كنت بحارب طواحين الهوا
في ناس باعونا، فوقنا
وناس باعونا، سوءنا
ناس كلونا لقمة
وناس رمونا روقنا
زيرو كره للي بعد
عقلي من “لو” تعب
شيل الحمل خير عن كف نعم
دي الشمس لو مغابتش بخ القمر
وغياب الصحبة اللي بيحلي السمر
في قيمة كبيرة لانقلاب القدر
إحنا أسباب حتى اللي غدر
صدقني زيي زيك
ساعات كتير ميبقاش في شئ في إيديا
فأحس كإن الدنيا بحالها جت عليا
تطلع اللي راحت بتفضي مكان للي جاية
صدقني زيي زيك
ساعات كتير ميبقاش في شئ في إيديا
فأحس كإن الدنيا بحالها جت عليا
تطلع اللي راحت بتفضي مكان للي جاية