كلمات اغنية واحشاك مسلم
واحشاك
عارف يا قلبي لسه طبعا مش ناسيها
عمال تنادي كل يوم بالليل عليها
جواك عذاب مابينتهيش
واخداك
لسه المشاعر ليها وبيكبر حنينك
حاسس بنقص في كل حاجه تشوفها عينك
انسى بقى عشان نعيش
لا دموعها بقيت علينا
ولا حتى الضحكه لينا
احنا صحيح ابتدينا
لكن ماكملناش
ومكانا معادش فاضي
انا وانت في عينها ماضي
اقفل بقى الصفحة دي
وياريت ماتفتحهاش
واجعاك
السيره حاسس باللي فيك عايش عذابك
بس انت ليه تمسك يا قلبي فحد سابك
اخرك يادوب تزعل يومين
ودي هناك
مش فارقه حاجه معاها عملت ترتيباتها
عمال تموت مع انها عاشت حياتها
فكَّر وشوف الصح فين
لا دموعها بقيت علينا
ولا حتى الضحكه لينا
احنا صحيح ابتدينا
لكن ماكملناش
ومكانا معادش فاضي
انا وانت في عينها ماضي
اقفل بقى الصفحة دي
وياريت ماتفتحهاش