كلمات اغنية تعباني حياتي هاني شاكر
يظهر إن أنا من كتر ما عشت سنين مضغوط
شكلي اتعودت بقيت مش عارف أكون مبسوط
مش عارف مالي اتغير حالي أنا مش مظبوط
تعباني حياتي بجد خلاص مش عارف أعيش
وأنا أعيش إزاي مع ناس حبيتها ما حبتنيش
وفي كل بداية بلاقي نهاية ما تعجبنيش
أنا بضحك بس في عز الضحكة ببان مخنوق
وبحاول أصبر نفسي وأقول دي مسيرها تروق
ولا عمري أذيت إنسان ولا جيت يوم على مخلوق
أنا ياما حاولت أعيش وأتعامل بين الناس
بس الإحساس راح من جوايا مفيش إحساس
وبقيت إنسان موجود في الدنيا بعيش وخلاص
أيام وسنين عمالة تمر وعمري بيجري
وبقول لو كان في لسه الخير كان بان من بدري
بس أنا في الآخر برضى وأقول ده نصيبي وقدري
أنا بضحك بس في عز الضحكة ببان مخنوق
وبحاول أصبر نفسي وأقول دي مسيرها تروق
ولا عمري أذيت إنسان ولا جيت يوم على مخلوق