كلمات اغنية ملكني غصب ماجد خضير
الا يا وجود القلب يا بدر بن قراشوجود الهليك اللي عن الشرب حادينه
وجودي وجوده والضماير عليها عطاش
عسى الله يعاوني على الصبر ويعينه
ابيه ويبيني ويا بدر ما عليها قشاش
حسيبي على اللي وقفوا بيني وبينه
صفيت وصفالي بالهوى ما عليه غطاش
حبيبٍ محبه قابل زينه وشينه
حلفت وحلفلي ما يهمه كلام الواش
ولا زال عهد الود بالود بانينه
محبة على وضح النقا مثل لون الشاش
عن اللي يشوه عفة الحب رافينه
تمكن غلاها يابو متعب بوسط الجاش
ومثلك يعرف الحب ومرايته عينه
ملاك ملكني غصب والحب ما ينهاش
تسيطر علي وصرت مملوك بيدينه
رسا حبها بين المعاليق ما يماش
مثل ما رست سفن البضايع على المينه
رماني بعينٍ سهمها اقوى من الرشاش
بها من سحر هاروت لاهل الهوى عينه
لعل وعسى يرحم صويبٍ على الأنعاش
حياته وموته تحت رحمة مضانينه
وعودن تمريع لا غليظٍ ولا نشاش
كما عود موز ناعم في بساتينه
غريق يقاوم ما حصل له عبور الطاش
تصافق به الأمواج فرحوا معادينه
عليه اشقر يشدي لذيل اشقر مهتاش
نهار السباق بهدة الخيل قاصينه
اسيرٍ وقع بأسر الهوى حاير منداش
مكبل بقيد الحب والناس ناسينه
ابي فزعتك يابدر عجل فداك اللاش
نخيتك ومثلك يكسب الطيب بيمينه
اهلك السواره من زبن حدهم ما يناش
لهم موقف بالطيب والعز حامينه
ترى دايم الطيب ليا من نخيته شاش
ينومس رفيقه جعل تمهله سنينه