كلمات اغنية خشم الريال علي بن محمد
المشكله اللي حلها خشم الريال
ادعس على خشم الريال وحلها
مدام دنياك الدنيا للزوال
الله ولا ظيم النفوس وذلها
مال بليا عز ماهو راس مال
لو صاحبه حاز المناصب كلها
لاتمشي برجلك على درب الخمال
رجلك عن اللي ما يعز افطن لها
لو تعجبك بعض العرب يابن الحلال
القحويانه ما يظلل ظلها
ترا البدر لو يكتمل يرجع هلال
ماغير عينك في اكتماله سلها
المشكله اللي حلها خشم الريال
ادعس على خشم الريال وحلها
ولا السراب يحسبه الظامي زلال
يبطي وكبده تتبعه ماملها
رجال للسلوى وللفزعه رجال
والكايده ماكل احد يشتلها
المشكله اللي حلها خشم الريال
ادعس على خشم الريال وحلها
والبندق اللي مايعلق لك غزال
بعها على اول من يسوم وخلها