كلمات اغنية خطوة الخلخال صلاح الزدجالي
خطوة الخلخال انا فيها ذبيح
والقبر ما بين رجله والوطا
الخطأ في مشيته انه يبيح
دم عشّاقه ليا منّه خطى
يتزلزل قلب والخاطر يطيح
ويتخلخل ضلع لو يمشي ببطى
في استدارة ظلّته جرمٍ صريح
ودّك انه يزيد إجرام وخطأ
الهنوف اللي خطاويها تسيح
ساح مع وقع القدم أخذ وعطاء
يستريح اللي قبلها من مليح
ويستريح اللي بعدها مخلّطه
كنّها الكوفي كذا فخط الفصيح
ايتعرّج عودها حاءٍ وطاء
خط مايل كل تأويله وضيح
وخط سايح بالغموض تنقّطه
النسيم فكعبها يصير ريح
لا مشت ترمي أثرها ونلقطه
ورب موسى والخضر ورب المسيح
ما بعد هاللخبطة من لخبطة
لا خطت بالصح بالمعنى الصحيح
اضمنت خلقٍ وراها مربّطه
ورّطت خطواتها وصف المديح
المعاني ضايعه ومتورّطه
هاد خطوة الخلخال انا فيها ذبيح
والقبر ما بين رجله والوطا
الخطأ في مشيته انه يبيح
دم عشّاقه ليا منّه خطى
كلمات أغنية خطوة الخلخال صلاح الزدجالي
كلمات : حميد البلوشي
ألحان وغناء : صلاح الزدجالي