كلمات اغنية احنا البلد عمر كمال وعبد الباسط حمودة

احنا البلد عزوه وسند
لو ع العدد متعدناش
سالكين لبعض بنحب بعض
وف ضهر بعض وماجليناش

اتقل تقال والصحه عال
واقفين جبال مين هزنا
المعلمه متكلمه
رب السما بيحبنا

اسأل علينا الناس تقولك مظبوطين
عمام بلدنا وشرق غرب مسمعين
لينا هيبه في حضورنا وغيابنا مسيطرين
متصيطين وفي كل منطقه محبوبين

لما الاسود يظهرو
العوله يتبخروا
دي رساله للي ناسينا
واهو بينا بنفكرو
حبة اسامى ع الورق
وبقولكم ع الملأ
فوقو كارتنا الكسبان
اما انتو كارت اتحرق

رجولتنا كيف كلمتنا سيف
في بلدنا ضيف ع الراس نشيلو
شوفنا الغريب قبل القريب
احنا الحبيب لو فين نجيلو

متميزين مش شفافين
دا تاريخ سنين يا ولاد يومين
مين فيكو كان معروف زمان
يا بتوع الان هتروحو فين

ادخل على الفيس بوك وخد صورتي اسكرين
اهي تنفعك برضو في حوار ولا في كمين
لو حد يوم سألك وقال تقرب لمين
اديني رنه وسيبها بس على المعين

مين في البلد قدنا
علشان يحدد لنا
دا في ناس يا عم الناس
بتمشي على حسنا
دي الجدعنه في دمنا
ومشرفين نفسنا
متصيطين بأصول
والكل يشهد لنا

غناء : عبد الباسط حمودة وعمر كمال
كلمات : مصطفي الجن
الحان : حسن أش أش
توزيع : أشرف البرنس

كلمات اغنية عم المجال كله محمود الليثي