كلمات اغنية زفة وجه السعد راشد الماجد
بالعرضة ميلي يالسيوف
اليوم ذا يـوم السّعد
وإتلامعي بين الكفـوف
لا من لِفا وَجه السّعد
وقلوبـنـا حوله صفـوف
متوافِدة إتهَنـي سَعَـد
هذا الوفي سَمْح الوصوف
هذا سِمِي جدّه سـعد
من ساحِل الشرقيـّة يا ليل الأفراح
زِفـّي التـهاني لين نجد العـذيـّة
وهَنِّي اللي وَجهه يشبه الضي لا لاح
يتباشَر الليل بـْمجيـّاه وْضَيّه
سَعَد سليل الطيب كسّاب الأمداح
إبن فضِل شبيـه جدّه وسِميـّه
نجل الكحيلان اللي من وين ما راح
عزيز وتـشهد له تـميم الأبيـَّة
هالليلة لو لِلفرحة في قلوبنا جناح
طارت تـهنّي الناس روحه وجَيـَّه
يكفيها فرحة لولوة عِـز و وْشاح
بشوفة بِكِرها وهذي أجمل هديّة
مبروك وبْكبر السما وعَدّ ما طاح
غيثٍ سِقا الأرض ونفوس البريـّة
يستاهل اللي بوَجهها نور الأصباح
إخت الرجال الأكرميـن الوفية
عبير وكل الزين والطيـب لا فاح
تبهرك بين أخلاق وطلَّة بهـيـَّة
إلهي يغمر قلبهم سعـْد وافراح
وخير وتوافيق وحياةٍ هـنية
هالليلة لو لِلفرحة في قلوبنا جناح
طارت تـهنّي الناس روحه وجَيـَّه
يكفيها فرحة لولوة عِـز و وْشـاح
بشوفة بِكِرها وهذي أجمل هديّة
كلمات أغنية زفة وجه السعد راشد الماجد
كلمات : أنور المشيري
الحان : أحمد الهرمي
غناء : راشد الماجد