كلمات اغنية تلاتيني الجوكر
تلاتيني تلاتيني
كانت ١٠ في الجامعة تكفيني
تلاتيني تلاتيني
١٠ بالمصري مش إسترليني
تلاتيني تلاتيني
بص العصفورة دي كانت بتوديني
تلاتيني تلاتيني
جيل ال dial up إوعي في الصبر تختبريني
ياسطي احنا تقال ،مواليد الزلزال
العمر عدى زي الهوا
ياسطا انا بقي عندي كيس دوا
أحكام السن مش زي أحكام الشايب مش مزحة
والدنيا مش فسحة
كلام يتقال في حفلة
فجأة ناس كتير تعوز فلوسها
جيلي في ال block
بين جيل الريحاني وجيل TikTok
وفي عين الاتنين انا جيلي بيعك
ولا رابط كرافتة ولا منه بيفك
أهالينا قالولنا إنتوا شوفتوا تعليم
مشوفتوش الحرب انتوا جيتوا في اللين
مشوفتوش لاعيبة ولا فنانين
طب ياسطي خربانة ليه أما إنتوا جامدين
جيل بداية التسعينات
شاف الهوايل من يوم الميلاد
إنتفاضة وكساد ثورة وفساد
ڤيرس وكمامة من بعد إنفلات
بس عرفنا معظم أسرار الكون
٢ فوق. ٢ تحت. شمال. يمين. شمال. يمين xo
احنا فووق
تلاتيني تلاتيني
كانت ١٠ في الجامعة تكفيني
تلاتيني تلاتيني
١٠ بالمصري مش إسترليني
تلاتيني تلاتيني
بص العصفورة دي كانت بتوديني
تلاتيني تلاتيني
بدأت أشيل هم الجاي
معنديش فكرة إمتى وإزاي
بدأت أبقى رجل تلاتيني
يقدس كباية الشاي
ويفضل تفخيدة البيت
ويتابع تسعيرة الزيت
واللحمة وكرتونة البيض
فيفهم إن غنى ولا سيط
أما سنك يتغير
وانت نفسك تتغير
هتبدأ تحاول تبطل تسير العالم
بمنظور عرفت إنه صغير
والمرعب إن إحنا بالوقت بنتحول
لحد كان دايما قدامنا
وفي بالنا إن ده مش شبهنا
مش سابق بخطوة في نفس إتجاهنا
كنا بنقعد ونفرد
نمشي من الحاجة أما تقفل
الوقت آخر حاجة تفرق
أنا مفيش مرة وقفت
في وشي خرسانة إلا وفت
زي medal كنت أصحى لو مت
أنا كنت وكنت وكنت
بقت تيجي ١١ بكت
تلاتيني تلاتيني
كانت ١٠ في الجامعة تكفيني
تلاتيني تلاتيني
١٠ بالمصري مش إسترليني
تلاتيني تلاتيني
بص العصفورة دي كانت بتوديني
تلاتيني تلاتيني