كلمات اغنية شوفتك الليله دي زينب حسن
ياه عالسنين عدّت هوا
من صغرنا دايما سوا
والليلة عدّت ذكريات
قدّام عيوني
ياه عاللي فات من عمرنا
وعرفنا بعض كام سنة
كنتي الوحيدة اللي عينيكي
بيفهموني
شفتِك الليلة دي يا صاحبتي
في الكوشة زادت فرحتي
من الفرحة لو نزلت دموعي
أعذرونيي
عِشرة السنين في دنيتي
كنتي اللي سابقة خطوتي
كنتي ولا زلتي حبيبتي
وأختي ونور عيوني
ياه عالجمال وعالقمر
حبك في عين الناس قمر
والكل جاي يهني
أنتيمتي الوحيدة
ياه عالجمال زي العسل
وأظن حُب الناس وصل
ويا رب تبقي سعيدة
في الدنيا الجديدة
شفتِك الليلة دي يا صاحبتي
في الكوشة زادت فرحتي
من الفرحة لو نزلت دموعي
أعذرونيي
عِشرة السنين في دنيتي
كنتي اللي سابقة خطوتي
كنتي ولا زلتي حبيبتي
وأختي ونور عيوني