كلمات اغنية سيات الهوى محسن ال مطارد
غاب الغلا وانا انتظرتك ومليت
والقلب عزّل والأمل فيك فاته
يمكن يعود ان عادت الروح للميت
واسترجع انفاسه وكمّل حياته
اخذتك العزه بالإثم وتغليت
وقلبٍ يبيك استنفذ محاولاته
كابرت وارخصت الغرام وتخليت
قبل تشوف من العذول الشماته
توّك تقول اشتقت واجد وحنيت
الله يعوّض خاطرك في أمنياته
تبيني أسامحك مفروض ما جيت
ان كان باقي دمع ما طاح هاته
البادي اظلم وانت بغيابك ابطيت
ضريبة الإخلاص معك وزكاته
خلك تعرف بحالتي ويش سويت
هذا جزاء فعلك بسوي سواته
الحظ قصّر وانت في حقي اخطيت
سلبت من قلبي بعض ذكرياته
اتركني انا من غرامك تعافيت
وشعرٍ يخصّك ناسي معلقاته
الحب والفرقى تجي دون توقيت
مافيه شيٍ مستقر بثباته
لا تنقض جروحٍ برت عقب ما أقفيت
ولا تلزم المقفي على الالتفاته
طلعت من جو المحبه وعفيت
ونسيت سيات الهوى وحسناته