كلمات اغنية معاناتي سارة الهاني
معاناتي على كيفي ومشهاتي
مدام الماضي ما اخترته
انا بختار لي الآتي
معاناتي لها مني تحياتي
لها تقدير انا شلته
يحدد لي مساراتي
سنين العمر بي تمضي واجدد بالوفا طبعي
مع اهلي مع احبابي مع عزي وديباجه
سنينٍ كم خذت مني ولا قد جف بي نبعي
كثر مانا عطيت اكثر ولو كنت اللي في حاجه
سنينٍ عشت انا فيها ما بين احبابي وربعي
لقيت الدنيا في عيني سببهم صدق وهاجه
وناسٍ للأسف تالي بلاهم جا بأثر رجعي
تلاطم فوقي سبتهم بحر ياكبرها امواجه
معاناتي على كيفي ومشهاتي
مدام الماضي ما اخترته
انا بختار لي الآتي
معاناتي لها مني تحياتي
لها تقدير انا شلته
يحدد لي مساراتي
بداياتي وانا اناظر مراياتي
على كل الذي عشته
عرفت ارسم نهاياتي
صباحاتي تشابها مساءاتي
بعد كل الذي قلته
فخوره بطيب نياتي
وهذا العام ياربي ابي شوفي وابي سمعي
وابي قلبي تهاديهم بكل اللي انا احتاجه
ابي من كثر ما اهنا ادور سبه لدمعي
ولا القى سوى فرحٍ يلبسني انا تاجه
ابي كل اللي اغليهم على ذوقي وعلى سنعي
ابي سندس ابي استبرق ابي ماسه ابي عاجه
ابي هذي السنه دايم تشابه بالوفا طبعي
وابي اهلي مع احبابي مع عزي وديباجه
معاناتي على كيفي ومشهاتي
مدام الماضي ما اخترته
انا بختار لي الآتي
معاناتي لها مني تحياتي
لها تقدير انا شلته
يحدد لي مساراتي