كلمات اغنية كيف أوصفك
كيف أوصفِك وإنتي القصايد والإحساس
وعيونك أعذب من خيالي وكلامه
وإنتي اللي قدرِك لو بالأبعاد ينقاس
شوفي السما وإختاري أبعَد غمامة
احبك ومن ما يحبِك في هالناس
وإنتي اللي ذوقِك ذوق وحسنِك علامة
تعكِس أناقة روحِك بْقلب حَساس
وتعطي فخامة ما بَعَدها فخامة
إنتي وانا روح وتِكَملها الأنفاس
وما حد يفرقنا ليوم القيامة
يا الجوهرة ويا تاج من عالي الراس
ما ينزل إلاّ وفي خفوقي مقامه
لك ضحكةٍ تمسح على الهَم والباس
لاشفتها ترسِم في قلبي ابتسامة
واقرا عليها من تبارك إلى الناس
واحصِّنِك بايات ربي وكلامه
وجهك حبيبي ومابعد قلبك احساس
وشوفك سعود ايام عمري ومرامه
إن جيتي شفت ترابك بعيني الماس
وإن غبتي وش يملا غلاك ومقامه