كلمات اغنية الدنيا قاسيه اتشقلبت بيا في ثواني عصام صاصا
الدنيا قاسيه اتشقلبت بيا في ثواني
فتحت عيني لقيتني فجأه في دنيا تاني
وحشتني نفسي واهلي واخواتي ومكاني
هوِّن يارب الغربه صعبه مموتاني
هوِّن يارب الغربه صعبه مموتاني
ربنا علشان عالم بيا
مش هيشمتكم يوم فيا
قادر ياكريم تسمع ليا
وتنجيني
انا عارف انك مش هتسبني
وبلاك معناه ان انت حاببني
دانا طوب الارض بيحاربني
طالع عيني
آه من الحياه بقا كل دا كان مستخبي
انا مش بخير والصدمه هتوقفلي قلبي
غرقان في بحر دموع مفيش ولا حد جمبي
مبقاش خلاص بأيديا غير اني ادعي ربي
مش عارف انام من تفكيري
ولا حتى بقرب لسريري
مظلوم ولا عارف ايه مصيري
نفسي نسيتها
مصدوم من كتر اللي حصلي
واللي انا بسمعو وبيوصلي
حد يفهمني يفسرلي
ايه اخرتها
العجل لما يقع بتكتر سكاكينو
وكأنهم كانو بالسلاح مستنينو
الغدارين متحولين لكلاب مالينو
سانين سنانهم ليل نهار ومقطعينو
كلو بينهش مين بيسمي
عايزين ياكلوني وانا متغمي
شايفني وانا بنزف دم
ومش راحمني
بالحياه لو طالو يدفنوني
من بكره في تربه هيرموني
ويجيبو صوان ويعزوني
الله يعيني
فارقني ابويا وسابلي كوم لحم في رقبتي
من يومها انا اتيتمت ومعشتش طفولتي
واخدنني بالظاهر ومش عارفين حقيقتي
بسبب عنيكو على النجاح بدفع ضريبتي
انا قصه الناس بتألفها
دايره بتتكلم على كيفها
هي الكواليس مين بيشوفها
آه ياحول الله
بيقولو اشهر شاب في مصر
ومحقق احلام العصر
عامل ملايين وصاحب قصر
ولعانه معاه
معايا كام معايا رب اسمو الوكيل
فوضت امري اليه وبحالي صبح كفيل
اللي معاه ربه ماشفش المستحيل
قادر يزيح الهم والحمل التقيل