كلمات شيله تكفي جروحك
سامحيني تراني طاريٍ لي طواري
ناوي اتركك واترك كل دربٍ تجينه
كنت مجنون في حبك وكنت انتحاري
واثر حبك بداية كل لحظه حزينه
كل ماجيت لك من ضيق الايام ساري
كن مافيه ضيفٍ جاك تستقبلينه
ليتني حافظٍ عن جيتي لك وقاري
وانتي اسمي وقدري عاد ماتجهلينه
عاشقك من عتيبه متعبين المماري
والعتيبي لاحب افدا بقلبه وعينه
صار حبك تعب وانا ادري انه اجباري
ليه محبوبك اللي حبك تتعبينه
والمحبه مافيها باب مخرج طواري
من دخلها بيقضي في كنفها سنينه
تكفي جروحك اللي فيّ منها مواري
مابقى بي مكانٍ ما انجرح تجرحينه
ادري ان زينك الفتان ماله مجاري
وادري ان كل زينه معك ماهيب زينه
وادري ان لو سترتي جسمك تقول عاري
لو سترتيه بالفستان ماتسترينه
وادري ان شفتك نهراً من التوت جاري
ماهي بمثل نهر النيل وانهار سينه
ولو جمالك ينوب عن القمر فالغداري
ونور وجهك لاشعشع مثل نور المدينه
دامني قد نويت مفارقك باختياري
والله اني ما اجي لك لو وصالي تبينه
روحي بعيد عني وابعدي عن مساري
واسكني فالمكان المبعد اللي تبينه
ودوري شاعراً يكتب لك ابيات غاري
هاذي اخر قصيدٍ من فمي تسمعينه