كلمات اغنية بنت الشهبندر - عصام كاريكا
الحلوه بنت الشهبندر
قالتلي أشوفك في البندر
قلتلها خايف يا صبيه
يشوفني حد معاكي أضّر
يشوفني حد معاكي أضّر
على إيه حنكذب ونكابر
ده إنتي بنت الأكابر
وابوكي قصره في راس التين
وانا بيتنا عِشَّه في سيدي جابر
انا بيتنا عِشَّه في سيدي جابر
عندك حرس ماشين سته
بيحرسوكي في الحته
لو شافوني بقرب منك
يقطعوني ميت حتّه
يقطعوني ميت حتّه
لو جابوا على بابك عسكر
أنا برده قاعد ومعسكر
يا تمر حنه أنا جالي جنان
من نظرتك في الليل بسهر
من نظرتك في الليل بسهر