كلمات أغنية ردية - خزنة ابن سليماني - محمد الجبرتي وبكر الحضرمي
الجبرتي :يابكر أنا جيتكم ضيف عجلاني
والضيف ماينِّكِر مع معازيبه
وأهل اليمن مايروحون للشّامي
والشّام مايقبلون اليمانيه
الليلة امسيت ضايق وزعلاني
من خالك اللي تسنّد وتنحيبه
اعتيبه ارحامكم ماهم ارحامي
لاهم فقارا ولاهم غناوية
بكر :
الله من ضيف يالربع عنّاني
ويصيح وأنا مكمل مطاليبه
أهل اليمن ضلعها نايفٍ سامي
راسي ومريود والدّار محميه
تجيب دعوى على غير برهاني
تشكي بناخيك للنّاس ترمي به
البحر مايقطعه كل عوّامي
مير الهجر يالجبرتي سعوديه
الجبرتي:
الكيس مليان ماهو بفرغاني
والليل ياعمي واللي معك جيبه
أنتم ورايه ماتمشون قدامي
والرز ماينخلط بالدمحنيه
صرف السعودي وصرف المريكاني
كل الخلايق تبيعه وتشريبه
هذي السنة منت مثلك كمالعامِ
ازهمك يابكر ماتلتفت فيه
بكر:
الكيس اطقه واخليك فقراني
بعدين اعود على العود واسريبه
ياموترٍ سار من غير صدامي
اضرب حسابك ولد النظر فيه
صرف السعودي مجود بضماني
ماهو بديوان تاخذ وتعطيبه
أنا على الدرب ماني بظلامي
وماني بناسيك لاتخلف النيه
الجبرتي:
ماتنّقل خزنة ابن سليماني
صندوق مليان مبهم لواليبه
حنا هل البنك والا أنت خدامي
اعطيك قرشين واعطيك ربيه
أنا بقريك وانته ماتجزاني
سويتلك علم محدن يجازيبه
يابكر ردّيتها شب ولحامي
كيف الحَسَاني تبا تنقلب سَيه
بكر:
خزنتك قفابها طول الأزماني
والوقت غرار لو كان ترهيبه
روّح بمعزاك وارعى جبل سامي
والا ازرع الباميه والملوخيه
مابغى اتبلاك وانته تبلاني
ياعود جاني يفتل فاشانيبه
مايلزمه لو ثلاثين لَزامي
في جوف راسه ثلاثين جنيه