كلمات اغنية احلا من الزين ماجد خضير

كلمات أغنية احلا من الزين - ماجد خضير

قلبي هذا ما بقي مخلوق ما هازه
كم فاتنٍ صد بي عنها ما يبغيها
يجهل دروب الغرام ويجهل ألغازه
ولا يعرف الجروح الا بطاريها

لين الصدف جابت اللي حسنه أمتازه
وليالي العيد تعرف من عصاريها
يا اللي جبينك يشع وفيك غمازه
احفظ معاني حروف اسمك وعطنيها

لا تترك اللي عسف لك قلبه وجازه
وحاول تداوي جروحٍ عنك مخفيها
ترا قلوب البشر للحب معتازه
وان غاب مثلك بياقف نبضها فيها

أنتي جمالك هذا ما غير في كازه
وفي طنجه وفالديار اللي حواليها
أحلا من الزين كله وأفخم طرازه
سبحان ربٍ بكثر الحسن مطغيها

أسلوبها يجتمع به جد وطنازه
الله محلن سوالفها وحاليها
والجسم كن الردايف عنه منحازه
وأدنى شعرها تخثع فيه رجليها

عنقا قوامٍ جميع الوصف تجتازه
ما فيه بنتٍ تبا تشره تماريها
تشبه لشقراً بوسط الخيل فوازه
ضارٍ على كسبت الناموس راعيها

سبوق وان جات فالميدان لزازه
تفهق جميع المهار اللي تجاريها
يا بنت قومٍ على الامجاد حوازه
شيخان في حاضر الدنيا وماضيها

جدك يروح الشجيع بفعله جنازه
وعينك تسو السواه اللي يسويها
وعينك تسو السواه اللي يسويها

كلمات أغنية احلا من الزين ماجد خضير