كلمات أغنية قمة جبل - عيسى المرزوق
قولو له وفر عنىوردك بقلبي ذبل
راسي ما ينزل انا
راسي هو قمة جبل
دارت الدنيا عليه
وانكسر له هالظهر
راجع يلوّح بيديه
والندم مد النظر
ما عاد ينقاد
قلبي غَدى حر وسعيد
مرتاح من راح
وعمري بديته من جديد
أنا قايد هالمشاعر وانا امرها
قلت نبعد يعني نبعد ما اكررها
بكلمه مني كل ذكرى لك ابخرها
لو تكون بعيني جنّه راح اغادرها
كل بساتين الغرام
اللي له فيني ذبلت
صحرا وجوف وظلام
ومن سما قلبي نزلت
من غاب ينجاب
غيره وفرقاه عيد
ما عاد ينقاد
قلبي غَدى حر وسعيد
مو اهو اللي بدى وصد وخلّاني
طيب شعنده رجع وشله يترجاني
دامه مو قد الهجر وضلوعه تعاني
لا يدق صدره بعد قولوله ينساني
من غاب ينجاب
غيره وفرقاه عيد
ما عاد ينقاد
قلبي غَدى حر وسعيد
كلمات أغنية قمة جبل عيسى المرزوق
كلمات: عذبي الدبيس
الحان وغناء: عيسى المرزوق
توزيع: عيسى المرزوق