كلمات أغنية عليك اخاف - محمد بن غرمان
انا اللي ما كسرني شيولا ابكي من مفارق حي
لكن ساعة وداعك يوووه
بكيت وانكسر كل شي
ترا كل الحنيا تبوح
توادعك وتقول مسموح
سوا قلباً رفض توديعك
وقرر معاك يروح
اقدر عذرك الطاهر
لو انه مؤلم وقاهر
عسى حظٍ حظى بلقياك
كريم ويشرح الخاطر
قرارك كان بمحله
ولازم اتهيء له
لو انه يمسك عروقي
ويقطعها على مهله
في ليلة عمرك التواق
في عينك دمعة المشتاق
يحسبونه دموع افراح
وانا ادري انها دموع فراق
عليك الابيض الجذاب
اشوفه من ورا هالباب
دخيلك عيشي الفرحة
لايكشف حزنك الاغراب
عليك اخاف من الايام
لا تجفى وردك وينسام
وانا اعرف قيمته واشوفه
اول واخر الاحلام
اخاف ان الزمن يجفاك
ويجي حظٍ ماهو يسواك
ويجفى درّك المكنون
ويرخص بسمة محياك
حللتي مثل غيم ونو
ربيعه مزهر ومحلو
ورحتي والربيع اتلاك
وظلّم من وراك الجو
وانا اقلك فمان الله
وقلبي يقول لا بالله
وعيني تقول وش ذنبي
وروحي تقول انا لله
فمان الله يا اغلى من
بنى في قلبي المسكن
وخلّى داره وهاجر
وداره تحتري وتحن
احتاج لموقف انساني
يرد النور لاعياني
يا نور راح مني لجل
ينوّر عالمٍ ثاني