كلمات أغنية بارد النسناس - فلاح المسردي
بلغ بارد النسناس من صدري المقصودوتعدا ولا خلى لي الا تنهاته
على جيتك يا طيب القلب غض العود
اللي نورها زاح الظلام ومتاهته
وعدلت المسار اللي حفظته ثلاث عقود
ونطق لك لسان في الهوا طول سكاته
اما نعتبرها موعدٍ ما عليه قيود
ولا نعتبرها صدفه وحظ من جاته
اللي بعدها ما كن للمترفات وجود
وتبرت عيون مولعك عن علاقاته
هلا بك عدد ما سرت جعل الوصال يعود
ما دامك عرفت ان لذة العمر فواته
غلب لذة الدنيا غرام سنتين وزود
معك هايمٍ فيه ومعك عشت لذاته
عمرناه باخلاص وموده وصدق عهود
وعليها بناء الحب الحقيقي طموحاته
ورسمنا الحدود ومال حب القلوب حدود
وكبحنا جماح شعورنا عن رغباته
راع الحب مثل المجرم اللي عليه شهود
لو يجاهد شعوره وش يرد نظراته
مع كل بدرٍ يكمل وكل هبة نود
يراجع ضمير مولع القلب ما فاته
وانا والمشاعر في رضا ام العيون السود
وجديلن تفض جموعه وتجمع اشتاته
غنجها يخلي حقل الالغام حقل ورود
وعلشانها تبرا من الوقت ساعاته
تعقد الرضا بين التواضع وبين الزود
وتاخذ من الطفل المدلل حركاته
ولها من صباح العيد طلة ونفحة عود
وتاخذ من الضبي المذير تلفاته
خذتني من ظروف الزمن والليال السود
وذكرى وقايعها قصيد وتنهاته
ومعها عرفت ان لذة الجود بالموجود
وصدّقت قولة كل شخص وقناعاته
ولها الحب لين اشرف على يومي الموعود
وذاك الحين يبلغ كل شي نهاياته